· TRES ECOSISTEMAS ·

Que facemos?

Os ecosistemas de árbores é un proxecto de Transformación e Innovación Pedagóxica que nace da vontade de REXENERAR os nosos contornos e RECONECTAR con eles, os nosos espazos de vida.

Arquitectura, ecopedagoxía e permacultura son os piares sobre os que medramos.

TRANSFORMACIÓN DE ESPAZOS

Espazo público e centros educativos Proxectos participativos de co-creación, transformación e renaturalización de espazos.

FORMACIÓN E OBRADOIROS

Natureza · arquitectura · cidade.
Reconexión e rexeneración de ecosistemas.

TUTORÍA E CONSULTORÍA

Asesorías personalizadas acordes coa túa idea de proxecto. Acompañamos a creación e evolución de proxectos nos que a infancia e a adolescencia están presentes.

ESCOLAS

· Transformación de espazos. actividades educativas que impliquen o alumnado · Transformación de patios. · Formación para equipos docentes, alumnado e familias.

Como o facemos?

Potenciando a voz e o protagonismo da infancia e adolescencia nos procesos de coidado e transformación dos seus contornos, dos ecosistemas que habitan.

Coñecendo o medio no que vivimos e descubrindo as ferramentas para rexeneralo, reforzamos a simbiose entre nós e os nosos hábitats naturais ou construídos.

Isto materialízase a través de proxectos participativos de transformación e renaturalización dos nosos espazos, formación e titorización.

A arquitectura, a ecopedagoxía e a permacultura son alicerces nos que medramos.

Entendemos a rexeneración máis alá da natureza, tamén desde a contextualización cultural e social, percibindo o ecosistema no seu conxunto e valorando todos os seres que forman parte del.

Cremos que o camiño é re-naturalizar as nosas formas de vida, os nosos espazos e as nosas relacións a través de proxectos de co-creación.

“ O ecosistema é o conxunto de seres que habitan nun ambiente,
o ambiente e as relacións que se producen entre eles”.